Ndërlidhjet

logo-print

Përleshje të reja në Kajro


Protestues kundër presidentit islamik, Mohamed Morsi

Protestues kundër presidentit islamik, Mohamed Morsi

Përleshje të reja shpërthyen sot në sheshin Tahrir të Kajros mes policisë dhe protestuesve të zemëruar nga një dekret i presidentit Muhamed Morsi, me të cilin i dha vetes kompetenca gjithëpërfshirëse.

Imazhet televizive treguan policinë duke hedhur gaz lotsjellës për të shpërndarë protestuesit në një rrugë jashtë sheshit.

Të martën, dhjetëra mijëra protestues u mblodhën në sheshin Tahrir për të kërkuar nga Morsi shfuqizimin e dekretit, me të cilin, vendimet e tij, bëhen të paprekshme nga gjykatat.

Protestat u organizuan edhe në qytete të tjera.

Ministria e Shëndetësisë tha se të paktën 100 njerëz u lënduan në protestat e së martës.

Të paktën dy persona kanë vdekur në dhunën, që nga lëshimi i dekretit. Kundërshtarët thonë se dekreti i jep presidentit islamik fuqi “diktatoriale”.
XS
SM
MD
LG