Ndërlidhjet

logo-print
Presidenti rus Vlladimir Putin, pritet që të hënën të vizitojë Stambollin për të biseduar me liderët turq mbi konfliktin në Siri dhe mënyrat për të rritur bashkëpunimin biznesor turko-rus.

Putin pritet të bashkë-kryesojë një takim të Këshillit të Nivelit të Lartë për Bashkëpunimin turko-rus dhe të zhvillojë bisedime me kryeministrin Rexhep Tajip Erdogan.

Lidhjet turko-ruse kanë qenë të tendosura gjatë krizës siriane.

Turqia ka bërë thirrje të hapur për përmbysjen e regjimit të presidentit Bashar al-Asad, një aleat tradicional i Moskës.

Rusia ka kundërshtuar çdo ndërhyrje nga jashtë në luftën në fqinjin e Turqisë.

Kjo do të jetë vizita e parë e Putinit jashtë vendit në dy muajt e fundit.

Përpara udhëtimit Putinit, Kremlini hodhi poshtë njoftimet se 60-vjeçari Putin po vuan nga një problem serioz i shpinës, ose nga çështje të tjera shëndetësore.
XS
SM
MD
LG