Ndërlidhjet

OBSH e shqetësuar për ndërprerjen e vaksinimit në Pakistan


Ilustrim
Ilustrim
Organizata Botërore e Shëndetësisë thotë se është e shqetësuar për shkak të pezullimit të porgramit të vaksinimit në Pakistan.

Organizata thotë se kjo do të bëjë kthim prapa në zhdukjen e sëmundjes.

Agjencitë e Kombëve të Bashkuara kanë ndaluar fushatën kundër poliomelitit në Pakistan pas disa sulmeve vdekjeprurëse të kryera ndaj grupeve të vaksinimit.

Fondi i Kombeve të Bashkuara për fëmijë, UNICEF, gjatë ditës së mërkurë ka lëshuar një deklaratë pas vrasjes së një punonjëse të shëndetësisë dhe shoferit të makinës në distriktin veriperëndimor të Charsadda.

Kohë më parë, afër qyteti Peshawar, një punonjës shëndetësor gjithashtu është qëlluar me armë zjarri duke u plagosur rëndë.

Sulm me armë ka pasur edhe ndaj disa vullnetarëve afër Nowshera.

Në fillim të këtij viti gjashtë punonjës të shëndetësisë të këtij shteti, kanë vdekuar si pasojë e sulmeve.

Grupi terrorist islamik Jundullah kanë marr përgjegjësinë për sulme duke thënë për Radion Mashaal të RFE/RL-së se vaksinimi i poliomelitit është i ndaluar në fenë Islame.
XS
SM
MD
LG