Ndërlidhjet

logo-print

Rusi: Policia i arrestoi protestuesit


Rusi - foto nga arkivi

Rusi - foto nga arkivi

Disa protestues janë arrestuar para Dhomës së Epërme të Parlamentit të Rusisë në Moskë, derisa vazhdojnë përgatitjet për votim për masat kundërthënëse, me të cilat nuk lejohet adoptimi i fëmijëve rusë nga shtetasit amerikanë.

Kritikët e legjislacionit thonë se jetimët shndërrohen në viktima, duke mos u lejuar që t’i largohen ardhmërisë së zymtë në Rusi.

Nëse sot miratohet legjislacioni, në Këshillin e Federatës, atëherë ai do të dërgohet te presidenti Vlladimir Putin për nënshkrim.

Ky legjislacion, javën e kaluar, është mbështetur nga Dhoma e Ulët e Parlamentit të Rusisë.

Legjislacioni është pjesë e masave të gjëra të ligjvënësve rusë në shenjë të hakmarrjes ndaj ligjit të Shteteve të Bashkuara, që kërkon sanksione kundër zyrtarëve rusë, të cilët akuzohen se i kanë shkelur të drejtat e njeriut.
XS
SM
MD
LG