Ndërlidhjet

logo-print

OKB: Në Siri – më se 60 mijë të vrarë


Makina e djegur e ndihmës së parë në qytetin Alepo - pasojë e luftimeve në Siri

Makina e djegur e ndihmës së parë në qytetin Alepo - pasojë e luftimeve në Siri

Në një analizë të re të Zyrës për të drejtat e Njeriut të Kombeve të Bashkuara thuhet se më se 60 mijë njerëz janë vrarë në konfliktin në Siri.

Komisionarja e Lartë e OKB-së për të Dejtat e Neriut, Navi Pillay, tha sot se në të dhënat e specialistëve të OKB-së janë regjistruar më se 59 mijë vrasje në periudhën 15 Mars 2011 e deri më 30 Nëntor të vitit 2012.

Zonja Pillay tha se duke pasur parasysh se dhuna nuk është ndalur, “mund të vlerësojmë se më se 60 mijë njerëz janë vrarë deri në fillim të vitit 2013”.

Kombet e Bashkuara thonë se analiza ishte përgatitur pesë muaj, pasi ishin identifikuar viktimat, duke u bazuar në emrin dhe mbiembrin, në një listë të kombinuar, në të cilën raportohej për 148 mijë vrasje.

Shifra e Kombeve të Bashkuara është për afro një të tretën më e lartë se ajo e grupeve opozitare në Siri, të cilat angazhohen për përmbysjen e regjimit të presidentit të Sirisë, Bashar al-Assad.

Sipas grupeve opozitare siriane, deri tash në konflikt janë vrarë 45 mijë vetë.
XS
SM
MD
LG