Ndërlidhjet

Pakistan: Nga sulmi ajror amerikan – 9 militantë të vrarë


Një aeroplan amerikan pa ekuipazh

Një aeroplan amerikan pa ekuipazh

Autoritetet në Pakistan thonë se nga sulmi me aeroplan amerikan pa ekuipazh, në rajonin fisnor të Vaziristanit Jugor, janë vrarë së paku 9 militantë të dyshuar.

Zyrtarë të sigurisë i kanë thënë Radios Evropa e Lirë, se sulmi ka ndodhur në orët e hershme të mëngjesit, me ç’rast 10 raketa i kishin marrë në shënjestër bazat e talibanëve pakistanezë, në fshatin Babar Ghar.

Ky ishte sulmi i tretë i aeroplanëve amerikanë pa ekuipazh në Pakistan, gjatë pesë ditëve të fundit.

Pakistani i kundërshton sulmet e aeroplanëve pa ekuipazh të Shteteve të Bashkuara, pasi ato i fajëson për vrasjen e qindra civilëve.

Pakistani ka paralajmëruar që më 15 Janar të këtij viti do ta kërkoj një debat në Këshillin e Sigurimit të Kombeve të Bashkuara për efektivitetin e politikave ndërkombëtare kundër terrorizmit.
XS
SM
MD
LG