Ndërlidhjet

Vriten 14 ushtarë pakistanezë


Foto nga arkivi
Foto nga arkivi
Zyrtarët pakistanezë të zbulimit thanë se 14 ushtarë pakistanezë janë vrarë të dielën kur një autokolonë ushtarake ra në mina në rrugë, në veriperëndimin e trazuar të vendit.

Minat goditën tri automjete të ushtrisë në fshatin Dosalli të Miranshahut, qyteti kryesor i Vaziritanit verior, një prej shtatë agjencive fisnore të Pakistanit.

Zyrtarët pakistanezë thanë se dy automjete janë shkatërruar dhe e treta është dëmtuar.
Njëzet perosna të tjerë u plagosën nga shpërthimi.

Ushtria e Pakistanit ka konfirmuar shpërthimin, por tha se vetëm katër ushtarë janë vrarë dhe 11 janë plagosur.

Askush nuk ka marrë përgjegjësinë për sulmin.

Por, militantët e lidhur me Al-Qaedan kanë qenë përgjegjës për sulme të ngjashme në këtë rajon.
XS
SM
MD
LG