Ndërlidhjet

logo-print

"Serbët nuk do t'i paguajnë doganat"


Jarina

Jarina

Përfaqësues të komunave veriore të Kosovës do të mblidhen në Zveçan të hënën për të diskutuar marrëveshjen e fundit për doganat të arritur në Bruksel mes kryeministrit kosovar Hashim Thaçi dhe homologut të tij serb, Ivica Daçiq.

Në seancë do të marrin pjesë kryetarët ilegalë të komunave veriore dhe politikanë tjerë që veprojnë në veri të Kosovës.

Ndërkohë, Sllavisha Ristiq nga Zubin Potoku, ka thënë se serbtë “nuk do t'ia paguajnë doganat e as tatimet shtetit të pavarur të Kosovës”.

Në anën tjetër, zyrtarë të Zyrës për Kosovën në qeverinë e Serbisë kanë thënë se marrëveshja e arritur për doganat është në interes të serbëve.

Kryeministri i Kosovës, pas takimit të së enjtes në Bruksel, ka thënë se "doganat do të paguhen sipas standardeve që ka caktuar Kushtetuta dhe ligjet e Kosovës”.

Homologu i ti serb ndërkaq, Ivica Daçiq, tha se paratë e mbledhura nga doganat në veri do të mblidhen në një fond që do të themelohet nga Bashkimi Evropian dhe ato do të shfrytëzohen vetëm për veriun e Kosovës.
XS
SM
MD
LG