Ndërlidhjet

Trupat franceze dhe ato të Malit, të mbështetura me helikopterë dhe aeroplanë, kanë hyrë në qytetin Diabali, një javë pas pushtimit të tij nga rebelët islamikë.

Burimet e sigurisë thonë se militantët kanë ikur nga qyteti, në drejtim të veriut.

Aeroplanët luftarakë të Francës kanë sulmuar gjatë gjithë fundjavës automjetet dhe caqet e rebelëve, duke i paraprirë avancimit të sotëm.

Ushtria franceze ka nisur ofensivën më 11 janar, pasi forcat rebele kanë lëvizur drejt kryeqytetit të Malit, Bamako.

Militantët kanë marrë kontrollin e gjithë pjesës veriore të Malit, pas grusht-shtetit të ushtrisë në Bamako, në mars të vitit të kaluar.
XS
SM
MD
LG