Sekretari i përgjithshëm i Kombeve të Bashkuara, Ban Ki-moon, dhe i dërguari ndërkombëtar për krizën në Siri, Lakhdar Brahimi, kanë kritikuar “fuqitë e huaja” për furnizimin me armë të forcave qeveritare dhe rebele në Siri.
Gjatë takimit të tyre në Nju Jork, Ban dhe Brahimi nuk kanë përmendur emrin e asnjë vendi.
Megjithatë, është e ditur se Rusia dhe Irani kanë furnizuar me armë qeverinë e presidentit sirian, Bashar al-Assad.
Qeveria e Sirisë, ndërkaq, akuzon Katarin, Turqinë dhe vendet e tjera të Gjirit për armatosjen e opozitës.
Në të tjera zhvillime, aktivistët për të drejtat e njeriut kanë bërë të ditur për vrasjen e 30 personave të hënën nga shpërthimi i një makine bombë.
Incidenti ka ndodhur në provincën Hama, ndërsa aktivistët kanë thënë se shumica e të vrarëve kanë qenë pjesëtarë të një milicie pro-qeveritare.
Protestat e para kundër regjimit në Siri kanë nisur në mars të vitit 2011. Kombet e Bashkuara thonë se mbi 60,000 njerëz kanë humbur jetën në përleshjet ndërmjet forcave të armatosura qeveritare dhe kryengritësve rebelë.
Gjatë takimit të tyre në Nju Jork, Ban dhe Brahimi nuk kanë përmendur emrin e asnjë vendi.
Megjithatë, është e ditur se Rusia dhe Irani kanë furnizuar me armë qeverinë e presidentit sirian, Bashar al-Assad.
Qeveria e Sirisë, ndërkaq, akuzon Katarin, Turqinë dhe vendet e tjera të Gjirit për armatosjen e opozitës.
Në të tjera zhvillime, aktivistët për të drejtat e njeriut kanë bërë të ditur për vrasjen e 30 personave të hënën nga shpërthimi i një makine bombë.
Incidenti ka ndodhur në provincën Hama, ndërsa aktivistët kanë thënë se shumica e të vrarëve kanë qenë pjesëtarë të një milicie pro-qeveritare.
Protestat e para kundër regjimit në Siri kanë nisur në mars të vitit 2011. Kombet e Bashkuara thonë se mbi 60,000 njerëz kanë humbur jetën në përleshjet ndërmjet forcave të armatosura qeveritare dhe kryengritësve rebelë.