Mijëra qytetarë nga Kosova dhe me gjerë, pavarësisht motit të ligë që po mban në Prishtinë, kanë protestuar në shenjë përkrahjeje për qytetarët e Luginës së Preshevës dhe kundër aksionit të xhandarmërisë serbe për largimin e lapidarit të dëshmorëve të Ushtrisë Çlirimtare të Preshevës, Medvegjës dhe Bujanocit.
Shumë protestues kanë ardhur në mënyrë të organizuar nga qytetet e ndryshme kosovare, por edhe nga Lugina e Preshevës, për t’u takuar te Biblioteka Kombëtare Universitare, në qendër të Prishtinës.
Protestuesit kanë mbajtur në duar flamuj kombëtarë dhe pankarta si: “Sot lapidari, nesër veriu”, “Dëshmorët nuk negociuan”, etj.
Përfaqësuesit e Lëvizjes Vetëvendosje, të cilët edhe kanë organizuar protestën, kanë thënë se “vëllezërve tanë në Preshevë, Medvegjë dhe Bujanoc po u mohohen të drejtat më elementare njerëzore”.
Lideri i Vetëvendosjes, Albin Kurti, derisa ka folur para protestuesve, ka kritikuar Qeverinë aktuale të Kosovës, por edhe ato të mëhershmet, të cilat, sipas tij, asnjëherë nuk kanë diskutuar për problemet e shqiptareve të Luginës.
“Të gjithë kryeministrat dhe qeveritë e pasluftës asnjëherë nuk e kanë pasur temë në mbledhje të qeverisë çështjen e Preshevës, Medvegjës dhe Bujanocit. Asnjëherë, asnjë cent për asnjë çështje nuk e dhanë për shqiptarët andej kufirit. Edhe mos të harrojmë që ata shqiptarë, sikurse edhe të gjithë shqiptarët e tjerë, kontribuuan pa kursim për çlirimin dhe pavarësinë e Shqipërisë dikur dhe për çlirimin dhe pavarësinë e Kosovës dje”, ka thënë Kurti.
Ai po ashtu ka deklaruar se, sa u takon bisedimeve Kosovë-Serbi, Qeveria e Kosovës nuk po e mbron as Preshevën, Medvegjën dhe Bujanocin, por as veriun e Kosovës.
Kurti ka shtuar se protesta është kundër mohimit të të drejtave të shqiptarëve të Luginës, por edhe kundër “koalicionit Thaçi-Daçiq”.
“Kjo protestë është protestë kundër koalicionit Thaçi-Daçiq, kundër koalicionit PDK-SPS, kundër kësaj qeverie, e cila e ka lenë Mitrovicën dhe po e braktis Preshevën. Qeveritë në Prishtinë dhe në Tiranë mund t’ju lënë dhe t’ju harrojnë juve qytetarë të Preshevës, Medvegjës e Bujanocit, por populli ynë dhe kombi nuk ju lë asnjëherë, sepse ne të gjithë jemi një”, është shprehur Kurti.
Nga ana tjetër, Belgzim Kamberi, kryetar i Këshillit për Mbrojtjen e Lirive dhe të Drejtave të Njeriut për tre qytetet e Luginës së Preshevës, para protestuesve ka deklaruar:
“Lugina e Preshevës nuk kërkon mëshirë e as ndihmë nga Prishtina e Tirana, kërkon përgjegjësi. Kërkojmë nga Qeveria e Shqipërisë që ta respektojë Kushtetutën. Kërkojmë nga Qeveria e Kosovës që të tregohet e përgjegjshme - jo që nuk ndihmoi, por edhe kritikoi qytetarët e Luginës së Preshevës”.
Organizatorët e protestës kanë pasur edhe disa kërkesa për institucionet e Kosovës – në mesin e tyre:
1.Respektimi i të drejtave civile dhe kolektive të shqiptarëve në Preshevë, Medvegjë dhe Bujanoc, si dhe kthimi i lapidarit në vendin e mëparshëm.
2.Ndërprerja e menjëhershme e procesit negociator të Kosovës me Serbinë.
3.Kthimi i rezolutës së Kuvendit për reciprocitet të plotë politik, ekonomik e tregtar me Serbinë, që menjëherë do të sillte te ndalimi i mallrave serbe në Kosovë.
4.Ndërmarrja e veprimeve konkrete për shtrirjen e sovranitetit të plotë të Republikës së Kosovës në gjithë territorin e Kosovës.
Përmes një komunikate për media, Policia e Kosovës ka bërë të ditur se përgjatë gjithë kohës sa ka zgjatur protesta, autoritetet e rendit kanë monitoruar situatën dhe kanë ndërmarrë të gjitha veprimet e duhura për të mundësuar rrjedhën normale të protestës.
Protesta ka kaluar e qetë dhe pa incidente.
Shumë protestues kanë ardhur në mënyrë të organizuar nga qytetet e ndryshme kosovare, por edhe nga Lugina e Preshevës, për t’u takuar te Biblioteka Kombëtare Universitare, në qendër të Prishtinës.
Protestuesit kanë mbajtur në duar flamuj kombëtarë dhe pankarta si: “Sot lapidari, nesër veriu”, “Dëshmorët nuk negociuan”, etj.
Përfaqësuesit e Lëvizjes Vetëvendosje, të cilët edhe kanë organizuar protestën, kanë thënë se “vëllezërve tanë në Preshevë, Medvegjë dhe Bujanoc po u mohohen të drejtat më elementare njerëzore”.
Lideri i Vetëvendosjes, Albin Kurti, derisa ka folur para protestuesve, ka kritikuar Qeverinë aktuale të Kosovës, por edhe ato të mëhershmet, të cilat, sipas tij, asnjëherë nuk kanë diskutuar për problemet e shqiptareve të Luginës.
“Të gjithë kryeministrat dhe qeveritë e pasluftës asnjëherë nuk e kanë pasur temë në mbledhje të qeverisë çështjen e Preshevës, Medvegjës dhe Bujanocit. Asnjëherë, asnjë cent për asnjë çështje nuk e dhanë për shqiptarët andej kufirit. Edhe mos të harrojmë që ata shqiptarë, sikurse edhe të gjithë shqiptarët e tjerë, kontribuuan pa kursim për çlirimin dhe pavarësinë e Shqipërisë dikur dhe për çlirimin dhe pavarësinë e Kosovës dje”, ka thënë Kurti.
Ai po ashtu ka deklaruar se, sa u takon bisedimeve Kosovë-Serbi, Qeveria e Kosovës nuk po e mbron as Preshevën, Medvegjën dhe Bujanocin, por as veriun e Kosovës.
Kurti ka shtuar se protesta është kundër mohimit të të drejtave të shqiptarëve të Luginës, por edhe kundër “koalicionit Thaçi-Daçiq”.
“Kjo protestë është protestë kundër koalicionit Thaçi-Daçiq, kundër koalicionit PDK-SPS, kundër kësaj qeverie, e cila e ka lenë Mitrovicën dhe po e braktis Preshevën. Qeveritë në Prishtinë dhe në Tiranë mund t’ju lënë dhe t’ju harrojnë juve qytetarë të Preshevës, Medvegjës e Bujanocit, por populli ynë dhe kombi nuk ju lë asnjëherë, sepse ne të gjithë jemi një”, është shprehur Kurti.
Nga ana tjetër, Belgzim Kamberi, kryetar i Këshillit për Mbrojtjen e Lirive dhe të Drejtave të Njeriut për tre qytetet e Luginës së Preshevës, para protestuesve ka deklaruar:
“Lugina e Preshevës nuk kërkon mëshirë e as ndihmë nga Prishtina e Tirana, kërkon përgjegjësi. Kërkojmë nga Qeveria e Shqipërisë që ta respektojë Kushtetutën. Kërkojmë nga Qeveria e Kosovës që të tregohet e përgjegjshme - jo që nuk ndihmoi, por edhe kritikoi qytetarët e Luginës së Preshevës”.
Organizatorët e protestës kanë pasur edhe disa kërkesa për institucionet e Kosovës – në mesin e tyre:
1.Respektimi i të drejtave civile dhe kolektive të shqiptarëve në Preshevë, Medvegjë dhe Bujanoc, si dhe kthimi i lapidarit në vendin e mëparshëm.
2.Ndërprerja e menjëhershme e procesit negociator të Kosovës me Serbinë.
3.Kthimi i rezolutës së Kuvendit për reciprocitet të plotë politik, ekonomik e tregtar me Serbinë, që menjëherë do të sillte te ndalimi i mallrave serbe në Kosovë.
4.Ndërmarrja e veprimeve konkrete për shtrirjen e sovranitetit të plotë të Republikës së Kosovës në gjithë territorin e Kosovës.
Përmes një komunikate për media, Policia e Kosovës ka bërë të ditur se përgjatë gjithë kohës sa ka zgjatur protesta, autoritetet e rendit kanë monitoruar situatën dhe kanë ndërmarrë të gjitha veprimet e duhura për të mundësuar rrjedhën normale të protestës.
Protesta ka kaluar e qetë dhe pa incidente.
