Sulmohet shtëpia e një punonjësi të Zyrës Administrative

Një granatë dore është hedhur në shtëpinë e Borisllav Markoviqit në veri të Mitrovicës të dielën në orët e hershme të mëngjesit.

Lajmin e ka konfirmuar për Radion Evropa e Lirë zëdhënësi i Policisë së Kosovës për rajonin e Mitrovicës, Besim Hoti, i cili ka thënë se nuk bëhet fjalë për të lënduar, pos për dëme te vogla materiale.

Mësohet se Markoviq është i punësuar në Zyrën Administrative të Kosovës në veri të Mitrovicës.