Ndërlidhjet

Jahjaga rithekson mbështetjen për dialogun


Presidentja Atifete Jahjaga

Presidentja Atifete Jahjaga

Presidentja e Kosovës, Atifete Jahjaga, ka pritur në takim kryeministrin Hashim Thaçi, të shoqëruar nga zëvendëskryeministri dhe ministri i Drejtësisë, Hajredin Kuçi, dhe nga ministri i Punëve të Jashtme, Enver Hoxhaj.

Nga kumtesa e Presidencës bëhet e ditur se Thaçi ka njoftuar Jahjagën për takimin në Bruksel me kryeministrin e Serbisë, Ivica Daçiq, për çfarë ka marrë mbështetjen e plotë nga presidentja.

“Vazhdimi i procesit të dialogut, me ndërmjetësimin e Bashkimit Evropian dhe me përkrahjen e vazhdueshme dhe të fuqishme të Shteteve të Bashkuara të Amerikës, lehtëson jetën e qytetarëve të të dyja shteteve dhe është kontribut për normalizimin e plotë të marrëdhënieve ndërmjet dy shteteve”, citohet të ketë thënë Jahjaga.

Në takim mësohet të jetë biseduar edhe për disa çështje nga fusha e rendit dhe e sundimit të ligjit dhe për çështje të politikës së jashtme dhe të diplomacisë.
XS
SM
MD
LG