Ndërlidhjet

Irak: Nga sulmi vetëvrasës – dhjetëra të vrarë


Pamje nga një vend ku më herët kishte ndodhur një eksplodim në qytetin Kirkuk në Irak

Pamje nga një vend ku më herët kishte ndodhur një eksplodim në qytetin Kirkuk në Irak

Raportohet se dhjetëra njerëz janë vrarë nga një sulm vetëvrasës me makinë-bombë në qytetin verior irakian, Kirkuk, kur sulmuesi ishte përpjekur ta shkatërroj selinë e policisë në këtë qytet.

Zyrtarë të policisë thanë se së paku 30 vetë janë vrarë dhe afro 70 të tjerë janë plagosur gjatë këtij sulmi, sot herët në mëngjes.

Dëshmitarët kanë thënë se sulmuesit ishin të veshur me uniforma të policisë.

Sulmuesi vetëvrasës me makinë-bombë e drejtoi veturën e tij në hyrjen e ndërtesës së selisë së policisë, ndërsa së paku dy persona me armë kishin hapur zjarr dhe hedhur granata.

Askush nuk e ka marrë përgjegjësinë për këtë sulm.

Ky ishte sulmi i tretë i madh gjatë disa javëve të fundit në Kirkuk ose rreth tij.

Qyteti Kirkuk, që është i banuar me popullatë të përzier arabe, kurde dhe turkmene, është në qendër të mospajtimeve lidhur me të drejtat për naftë dhe tokë ndërmjet qeverisë qendrore në Bagdad dhe rajonit autonom kurd në pjesën veriore të Irakut.
XS
SM
MD
LG