Ndërlidhjet

logo-print

Të zhveshura festojnë largimin e Papës


Aktivistet e grupit Femen në katedralen Notre Dame, në Paris, 12 shkurt 2013.

Aktivistet e grupit Femen në katedralen Notre Dame, në Paris, 12 shkurt 2013.

Tetë anëtare të grupit feminist “Femen” kanë hyrë në katedralen Notre Dame të Parisit dhe janë zhveshur.

Në këtë mënyrë, ato kanë festuar vendimin e Papa Benedictit XVI për të dhënë dorëheqje në fund të këtij muaji.

Gratë kanë hyrë në katedrale të veshura me mantele të gjata, duke u përzier me një grup turistësh.

Mirëpo, menjëherë pas hyrjes, janë zhveshur dhe kanë qëndruar pranë kambanës së bronzit, e cila është e ekspozuar në pjesën qendrore të katedrales, pranë altarit.

“Nuk ka më papë”, “Nuk ka më homofobi”, “Mirupafshim Benedict” – kanë bërtitur aktivistet.

Vizitorët e tronditur kanë lëshuar katedralen.

Papa Benedicti XVI ka njoftuar të hënën se do të heqë dorë nga detyrat e Papatit më 28 shkurt. Vendimin e ka arsyetuar me shkaqe shëndetësore.
XS
SM
MD
LG