Ndërlidhjet

Shpartallohet banda ruse, ukrainase...


Ilustrim

Ilustrim

Autoritetet spanjolle dhe Europoli thonë se kanë shkatërruar një bandë të rusëve, ukrainasve dhe gjeorgjianëve, që dyshohet se kanë mbledhur miliona euro nga gjobat e rreme, pasi që kishin infektuar kompjuterët me një virus dhe pastaj i akuzonin përdoruesit se kanë shikuar pornografi për fëmijë ose në mënyrë të paligjshme kanë shpërndarë videot.

Zyrtarët thanë se banda ka mbledhur të paktën 1 milionë euro në vit nëpërmjet përdorimit të virusit, të quajtur “ransomware”.

Zyrtarët thanë se një rus 27-vjeçar, që supozohet të jetë themeluesi i bandës dhe zhvilluesi i virusit, është arrestuar në Emiratet e Bashkuara Arabe.

Gjashtë rusët e tjerë, dy ukrainas dhe dy gjeorgjianë, u arrestuan në Spanjë në javën e kaluar nën pretendimet e të qënit pjesë e bandës.

Zyrtarët thanë se qindra mijëra njerëz në 30 vende evropiane besohet se kanë qenë të prekur nga veprimet e bandës.
XS
SM
MD
LG