Ndërlidhjet

Presion në rritje ndaj Iranit


Uzina bërthamore Natanz
Uzina bërthamore Natanz
Irani po përballet me presion në rritje nga fuqitë botërore, pas një raporti të ri të Kombeve të Bashkuara, i cili vë në pah se Republika Islamike ka nisur instalimin e centrifugave të avancuara në uzinën e saj kryesore të pasurimit të uraniumit.

Shtetet e Bashkuara kanë thënë se veprimi i Iranit është “hap provokues”, ndërsa Britania e ka quajtur “shqetësim serioz”.

Rivali rajonal i tij, Izraeli, ka thënë se Irani tani është “më afër se kurrë” materialit të pasuruar për një armë bërthamore.

Agjencia Ndërkombëtare për Energji Bërthamore ka bërë të ditur se Irani ka nisur instalimin e centrifugave të avancuara në Natanz, të cilat i mundësojnë atij të përshpejtojë pasurimin e uraniumit.

Irani hedh poshtë përpjekjet për krijimin e armës bërthamore.

Përfaqësuesit e tij do të takojnë javën e ardhshme në Kazakistan përfaqësuesit e gjashtë fuqive botërore, për të diskutuar çështjen bërthamore.
XS
SM
MD
LG