Ndërlidhjet

logo-print

Kerry kërkon konsensus në Egjipt


Sekretari amerikan i Shtetit, John Kerry

Sekretari amerikan i Shtetit, John Kerry

Sekretari amerikan i Shtetit John Kerry tha se qeveria egjiptiane dhe liderët e opozitës duhet të arrijnë një konsensus politik për të ndihmuar që vendi i tyre të dalë nga kriza ekonomike.

Kerry mbërriti në Kajro të shtunën për t’u takuar me liderët e biznesit, shefat e opozitës dhe ministrin e Jashtëm.

Bisedimet me presidentin Muhamed Morsi janë caktuar për të dielën.

Zyrtarët amerikanë që shoqërojnë Kerryn në udhëtimin e tij të parë jashtë shtetit si sekretar, thanë se ai është i brengosur për reformat që duhet të ndërmarrë Egjipti, për t'u kualifikuar për një kredi të Fondit Monetar Ndërkombëtar, në vlerë prej 4.8 miliardë dollarësh.

Kerry planifikon që të bëjë presion mbi të gjitha palët në mënyrë që të arrijnë marrëveshje bazë mbi drejtimin e Egjiptit para zgjedhjeve parlamentare që fillojnë në muajin e ardhshëm.
XS
SM
MD
LG