Ndërlidhjet

Republikanët vonojnë votimin për shefin e CIA-s


Senatori Rand Paul

Senatori Rand Paul

Senatorët e Partisë Republikane në Shtetet e Bashkuara, të cilët kundërshtojnë përdorimin e sulmeve të telekomanduara kundër shtetasve amerikanë, kanë nisur përpjekjet për të bllokuar të nominuarin e presidentit Barack Obama për kreun e Agjencisë Qendrore të Inteligjencës.

Rand Paul, senator nga Kentaki, ka nisur obstruksionet kundër nominimit të John Brennanit për shef të CIA-s.

Paul kërkon që administrata Obama të lëshojë një deklaratë, e cila bën të qartë se avionët e telekomanduar nuk do të përdoren në Shtetet e Bashkuara për të vrarë terroristët e dyshuar, të cilët janë shtetas amerikanë.

Senatorët amerikanë mund të vonojnë votimin derisa të arrihen 60 vota në Senatin 100-anëtarësh për t’iu dhënë fund obstruksioneve.

Prokurori i përgjithshëm, Eric Holder, ka thënë këtë javë se nuk mund të përjashtojë përdorimin e sulmeve të telekomanduara kundër të dyshuarve amerikanë në territorin e SHBA-së.
XS
SM
MD
LG