Ministrat e jashtëm të BE-së, diskutojnë sot për Sirinë

Ministrat e jashtëm të Bashkimit Evropian janë takuar sot për të diskutuar mbi mënyrat për t'i dhënë fund luftës civile në Siri.

Përpara bisedimeve të së hënës në Bruksel, Catherine Ashton , shefja e politikës së jashtme të BE-së, mbështeti një zgjidhje politike, duke thënë: " Ne duhet ti ndalojmë këto vrasje".

Ndërkohë, Ashton tha se agjenda e takimit të së hënës do të përfshijë gjithashtu programin bërthamor të Iranit dhe marrëdhëniet e BE-së me Rusinë.

Megjithatë, Moska nuk dha ndonjë shenjë se do të ndryshojë pozicionin e saj refuzues për të mbështetur thirrjet për dhënien e dorëheqjes së presidentit Bashar al-Asad.