Ndërlidhjet

Kosovë: Serbët në veri kërkojnë kthimin e KFOR-it rus


Pamje nga një tubim protestues i serbëve në pjesën veriore të Kosovës

Pamje nga një tubim protestues i serbëve në pjesën veriore të Kosovës

Të ashtuquajturit këshilltarë serbë të Komunave të pjesës veriore të Kosovës, sot e kanë mbajtur një takim të përbashkët, në të cilin e kanë mbështetur kreun shtetëror të Serbisë dhe kanë kërkuar nga bashkësia ndërkombëtare, që ta pengoj përpjekjen eventuale të autoriteteve në Prishtinë, që me aksione të dhunshme ta rrezikojnë paqen në veri dhe në mjedistet e tjera serbe në Kosovë.

“Nga forcat ndërkombëtare të sigurisë në Kosovë presim që të përmbahen nga lëvizjet e njëanshme dhe që me kohë ta pengojnë secilën përpjekje të të ashtuquajturave autoritete në Prishtinë, që me aksione të dhunshme ta rrezikojnë paqen dhe sigurinë në pjesën veriore të Kosovës dhe në mjediset e tjera serbe”, thuhet në konkluzionet e këtij takimi të mbajtur në Leposaviq.

Në mbledhje kanë marrë pjesë përfaqësues të Leposaviqit, Zveçanit, Zubin Potokut dhe Mitrovicës.

Siç raporton agjencia Beta, pjesëmarrësit në tubim kanë shfaqur kënaqësi për unitetin të cilin e ka treguar kreu shtetëror i Serbisë dje në Bruksel.

Është kërkuar që misioni EULEX të zëvendësohet me UNMIKU-un dhe që në mjediset serbe të kthehet kontigjenti rus i KFOR-it, i cili siç theksohet, “për popullin serb do të ishte garancë e paqes dhe sigurisë”.
XS
SM
MD
LG