Ndërlidhjet

Nigeri: U dënua një iranian për kontrabandim me armë


Iraniani Azim Aghajani dërgohet në burg pas vendimit të gjykatës

Iraniani Azim Aghajani dërgohet në burg pas vendimit të gjykatës

Një gjykatë në Nigeri e ka dënuar një shtetas iranian, që dyshohet se është anëtar i Gardës Revolucionare Islamike të Iranit, me pesë muaj burg, për kontrabandim me armë.

Gjykata në Lagos sot e ka dënuar iranianin Azim Aghajani dhe bashkëpunëtorin e tij nga Nigeria, Ali Abbas Jega.

Ata të dy ishin arrestuar në vitin 2010, në portin e Lagosit, pasi autoritetet kishin gjetur se 13 kontejnerë të regjistruar se bartnin materiale ndërtimore, në të vërtetë kishin armatim.

Aghajani gjendet në listën e zezë të OKB-së si anëtar i Gardës Revolucionare, i ndërlidhur me mbështetjen e Iranit për terrorizëm.

Ai është edhe në listën e Shteteve të Bashkuara.

Aghajani e refuzon çfarëdo lidhjeje me Gardën Revolucionare të Iranit dhe këmbëngulë që ishte në Nigeri si biznesmen privat.
XS
SM
MD
LG