Ndërlidhjet

Francë: Filloi festivali i filmit në Kanë


Pamje nga hapja e Fesitvalit të filmit në Kanë

Pamje nga hapja e Fesitvalit të filmit në Kanë

Festivali më i madh i filmit në botë, ka nisur mbrëmë në Kanë të Francës, me adaptimin luksoz të romanit klasik “Getsbi i Madh” të autorit F. Scott Fitzelard.

Në filmin e regjisorit australian, Baz Luhrmann, rolet kryesore i luajnë Leonardo DiCaprio dhe aktorja britanike, Carey Mulligan.

Ky film është pritur me interesim të madh në Kanë, meqë kjo vepër në 3D me buxhet prej 105 milionë dollarësh, është pranuar me opinione të ndryshme në Shtetet e Bashkuara, javën e kaluar.

Gjatë 12 ditëve të ardhshme në Kanë do të shfaqen qindra filma, por 20 filma nga 10 vende do të konkurrojnë për çmimin kryesor Palma e Artë, që do të jepet më 26 Maj.

Kryetar i jurisë këtë vit është regjisori i njohur amerikan, Steven Spielberg, ndërsa në mesin e anëtarëve ndodhet edhe ylli austrilian i filmit, Nicole Kidman.
XS
SM
MD
LG