Ndërlidhjet

Westerwelle: Marrëveshja historike, zbatojeni!


Kreu i diplomacisë gjermane, Guido Westerwelle.
Kreu i diplomacisë gjermane, Guido Westerwelle.
Kreu i diplomacisë gjermane, Guido Westerwelle, ka deklaruar sot në Beograd se nëse në Serbi merren vendime të duhura dhe ka rezultate të prekshme në zbatimin e Marrëveshjes me Prishtinën, ai mund t’i japë sinjale pozitive Bundestagut, në lidhje me datën e negociatave evropiane për Serbinë.

Në konferencën për gazetarë, pas takimit me kryeministrin serb, Ivica Daçiq, Westerwelle ka thënë se nuk mund të paragjykojë vendimin e shefave të shteteve të BE-së apo të Bundestagut, por ka theksuar se marrëveshja midis Beogradit dhe Prishtinës është historike dhe se tani duhen hapa konkretë për zbatimin e saj.

“Vizita ime në Serbi është gjest inkurajimi. Serbia mund të bëjë të mira për Evropën, ashtu si edhe Evropa për Serbinë. Andaj, është e rëndësishme që në këto momente historike të sjellim vendime të duhura”, ka thënë Westerwelle.
XS
SM
MD
LG