Ndërlidhjet

logo-print

VV reagon ndaj arrestimit të të dyshuarve për krime lufte


Prishtinë

Prishtinë

Lëvizja Vetëvendosje ka reaguar ndaj arrestimit të pesë personave, nën dyshimet për krime lufte. Ajo ka kritikuar EULEX-in si një mision jodemokartik, i cili nuk i jep llogari as popullsisë, as institucioneve vendëse.

“Kur kësaj ia shtojmë faktin që EULEX-i nuk e njeh Republikën e Kosovës dhe pavarësinë e shtetit tonë, UÇK-në e luftën tonë çlirimtare, nuk kemi si të besojmë a shpresojmë se ai mund të ndajë drejtësi”, thuhet në reagim.

Sipas Vetëvendosjes, lufta e UÇK-së ka qenë e drejtë dhe “Qeveria e Kosovës nuk po e mbron këtë luftë as si histori të lavdishme, as si koncept politik e vizion kombëtar, dhe as pjesëtarët e saj”.

“Askush nuk bën të fshihet prapa emrit të UÇK-së për asnjë çështje, asnjëherë. Mirëpo, edhe shkeljet e krimet eventuale e individuale të pjesëtarëve të UÇK-së nuk mund t'i trajtojë EULEX-i, i cili po e njeh luftën në Kosovë vetëm atëherë kur bëhet fjalë për krimet e luftës dhe vetëm atëherë kur këto u përshkruhen shqiptarëve e jo Serbisë dhe forcave të saj”, thuhet në reagimin e VV-së.

Lexoni edhe këtë.
XS
SM
MD
LG