Ndërlidhjet

Erdogan iu kërkon turqve të mirëpresin refugjatët sirianë


Kryeministri turk, Recep Tayyip Erdogan

Kryeministri turk, Recep Tayyip Erdogan

Kryeministri turk Recep Tayyip Erdogan iu ka kërkuar qytetarëve që të mirëpresin refugjatët sirianë pavarësisht rezervave të mëdha për shkak të sulmeve vdekjeprurëse që ndodhën në fillim të këtij muaji.

Derisa vizitonte kufirin e paqëndrueshëm me Sirinë, ai iu kërkoi turqve që t'iu ndihmojnë “vëllezërve në nevojë”.

Erdogan iu tha banorëve të një qyteti të vogël juglindor Reyhanli se sirianët vijnë në Turqi “sepse na besojnë”.

Mbi 50 persona janë vrarë dhe dhjetëra janë lënduar nga një sulm i dyfishtë në Reyhanli më 11 maj.

Ankaraja ka fajësuar për sulmin një grup radikal marksist të lidhur me regjimin e Assadit.

Damasku ka hedhur poshtë akuzat.
XS
SM
MD
LG