Ndërlidhjet

logo-print
Rreth 100 persona është raportuar të jenë arrestuar në Paris pas konfrontimeve mes policisë dhe protestuesve gjatë demonstratave kundër ligjit të ri të Francës, që lejon martesën e homoseksualëve dhe adoptimin.

Policia ka vlerësuar se rreth 150 mijë njerëz morën pjesë në protestën e së dielës.

Organizatorët vendosin më lart këtë numër.

Demonstrata u organizua nga grupet, që e përshkruajnë veten si pro-tradicionaliste.

Demonstrata filloi në mënyrë paqësore, por raportet thonë se aktivistët e ekstremit të djathtë nxitën përleshjet me policinë, e cila hodhi gaz lotsjellës për të shpërndarë turmat në qendër të Parisit.

Projektligji për maretsat e të njëjtës gjini u nënshkrua në ligj nga presidenti Francois Hollande në këtë muaj.
XS
SM
MD
LG