Ndërlidhjet

Përleshje në Bengazi, të paktën 25 të vrarë


Anëtarë të milicisë në Libi, foto nga arkivi

Anëtarë të milicisë në Libi, foto nga arkivi

Përleshje të përgjakshme janë raportuar në qytetin lindor të Libisë, Bengazi.

Përleshjet filluan kur protestuesit u mblodhën jashtë selisë Mburoja e Libisë të shtunën, duke kërkuar që milicia që operon me miratimin e Ministrisë së Mbrojtjes, të shpërbëhet.

Përplasjet shpejt shpërthyen në mes të protestuesve dhe anëtarëve të milicisë.

Ndërsa, luftimet u përkeqësuan, trupat qeveritare ndërhynë për të rivendosur rendin.

Mjekët thanë se të paktën 25 persona janë vrarë dhe 80 janë plagosur pas disa orë luftimesh.

Pakënaqësitë kundër milicisë së Libisë janë rritur në muajt e fundit.

Analistët thonë se qeveria qendrore është shumë e dobët për të çarmatosur shumë nga ta, dhe në disa raste, mbështetet në milicinë për të ruajtur rendin.
XS
SM
MD
LG