Ndërlidhjet

Thaçi nderon Eliot Engelin dhe Mark Kirkun


Kryeministri i Kosovës Hashim Thaçi (ilustrim)

Kryeministri i Kosovës Hashim Thaçi (ilustrim)

Kryeministri Hashim Thaçi ka nderuar me mirënjohje senatorin amerikan Mark Kirk si dhe kongresmenin Eliot Engel, me rastin e 14 vjetorit të çlirimit të Kosovës nga forcat policore dhe pushteti serb.

Ceremonia e nderimit u bë në hapësirat e kongresit amerikan në Capitol Hill.

Në një komunikatë për medie nga Qeveria e Kosovës, thuhet se senatori Mark Kirk ka dhënë një kontribut të jashtëzakonshëm në përkrahjen politike dhe ushtarake si në përforcimin e idesë për intervenim ushtarak në Kosovë në vitin 1999, po ashtu edhe gjatë kohës së bombardimeve.

Kryeministri Thaçi shfrytëzoi këtë pritje ceremoniale për të falënderuar Shtetet e Bashkuara të Amerikës për kontributin historik për lirinë dhe pavarësinë e Kosovës.

Senatori Mark Kirk dhe kongresmeni Eliot Engel evokuan kujtime nga periudha e krizës së Kosovës dhe falënderuan popullin e Kosovës për ndjenjat e shquara proamerikane.
XS
SM
MD
LG