Ndërlidhjet

Çeki: ODS propozon kryetaren e parlamentit për kryeministre


Miroslava Nemcova (djathtas) gjatë një konference për media të partisë ODS në Pragë

Miroslava Nemcova (djathtas) gjatë një konference për media të partisë ODS në Pragë

Partia udhëheqëse në qeverinë e Çekisë, Partia Demokratike Qytetare (ODS), ka propozuar që kryeministre e re të jetë kryetarja e tashme e parlamentit, Miroslava Nemcova.

Kjo parti e qendrës së djathtë mbrëmë e ka nominuar zonjën Nemcova për ta zëvendësuar ish kryeministrin Petr Necas, i cili dha dorëheqje lidhur me një skandal korrupsioni.

Kandidatja Nemcova duhet ta ketë pëlqimin e partnerëve të koalicionit qeveritar, të presidentit Milos Zeman, dhe të miratohet në parlament.

Nëse ky propozim miratohet, Miroslava Nemcova do të jetë kryeministrja e parë e Republikës Çeke.

Nëse kjo nuk ndodhë, atëherë mund të mbahen zgjedhjet e parakohshme parlamentare.

Zoti Necas, që e ka udhëhequr qeverinë e koalicionit prej vitit 2010, dha dorëheqje të dielën për shkak të skandalit të korrupsionit dhe të spiunimit, në të cilin ishte e involvuar shefja e kabinetit të tij, për të cilën dyshohet se e kishte ishte edhe dashnore.
XS
SM
MD
LG