Ndërlidhjet

Serbët largojnë barrikadat nga rrugët në veri


Mitrovicë - Një nga dy barrikadat e mbetura në veri të Kosovës.
Mitrovicë - Një nga dy barrikadat e mbetura në veri të Kosovës.
Serbët e pjesës veriore të Mitrovicës kanë larguar sot nga magjistralja Mitrovicë-Zveçan barrikadat e vendosura në këtë rrugë, prej përshkallëzimit të krizës në këtë pjesë të Kosovës, në korrik të vitit 2011.

Barrikadat ishin të vendosura në disa lokacione përgjatë magjistralës, nga dalja e Mitrovicës e deri në Zveçan, kurse punëtorët janë parë duke pastruar dhe punuar në sanimin e pjesëve të dëmtuara të rrugës.

Vendimi për largimin e këtyre pengesave e kanë përfaqësuesit e komunës paralele të Mitrovicës, kryetari i së cilës Dragisha Vllaskoviq tha se arsyeja e zhbërjes së tyre ishte se rrezikon trafikun, dhe se janë bërë jo-funksionale.

Në Mitrovicë kanë mbetur vetëm edhe dy barrikada, prej të cilave është e betonuara mbi urën kryesore të qytetit.

Kurse barrikada e dytë është e vendosur në rrugën që çon në pjesë lindore të qytetin, në Mahallën Boshnjake.

Serbët në veri të Kosovës nisën të barrikadojnë rrugët dhe magjistralet, pas operacionit policor të marrjes nën kontroll të kufijve verio në Bërnjak dhe Jarinje, gjatë të cilit aksion u vra një pjesëtar i njësive speciale, Enver Zymberi.
XS
SM
MD
LG