Ndërlidhjet

SHBA: Protesta kundër vendimit të gjyqit


Pamje nga protesta në Çikago

Pamje nga protesta në Çikago

Mijëra njerëz në shumë qytete të Shteteve të Bashkuara kanë protestuar kundër vendimit gjyqësor për lirimin e njeriut, i cili ka shtënë kundër një të riu zezak të paarmatosur.

Protestat janë mbajtur gjatë ditës së djeshme në Nju Jork, Atlanta, Majami, Çikago dhe Los Anxhelos.

Këngëtarët e njohur, Beyonce dhe Jay Z, njëherësh edhe çift bashkëshortor, iu bashkuan protestës në Nju Jork.

Këto demonstrata u bënë një javë pasi një panel gjyqësor në Floridë, nuk e shpalli fajtor personin George Zimmerman, të akuzuar për vrasje të shkallës së dytë, lidhur me vrasjen e 17 vjeçarit, Trayvon Martin, në Shkurt të këtij viti.

Kritikët thonë se për familjen e të ndjerit Martin nuk ka drejtësi për shkak të ngjyrës së djalit të tyre.

George Zimmerman thotë se ai ka shtënë kundër Martinit në vetëmbrojtje gjatë përleshjes.

Ky rast e ka shtruar çështjen e racizmit në Shtetet e Bashkuara dhe problemin e dhunës me armë.
XS
SM
MD
LG