Presidentja e Kosovës, Atifete Jahjaga, ka kërkuar që perspektiva për anëtarësim e vendeve të Ballkanit Perëndimor në Bashkimin Evropian, të jetë e garantuar.
“Kam bindjen e plotë se ne të gjithë do të bëhemi anëtarë të BE-së, në një të ardhme të afërt”, tha zonja Jahjaga dhe shtoi se “rruga evropiane e secilit shtet duhet të jetë e garantuar dhe e qëndrueshme”.
Këto komente zonja Jahjaga i ka bërë sot në samitin e presidentëve të tetë vendeve të Ballkanit Perëndimor, që u mbajt në Bërdo afër Kranjit, në Slloveni.
Mëtutje ajo ka theksuar se “bashkëpunimi ynë mund të marrë formën e një të ashtuquajturi - mini Shengeni - si dhe atë të praktikave të mira evropiane nëpërmes të cilave vendet aspiruese mund të zhvillojnë marrëdhënie më të ngushta bilaterale dhe bashkëpunim rajonal”.
Në këtë samit, që praktikisht është i pari i këtij lloji, u synua promovim i bashkëpunimit dhe i pranimit të më tepër shteteve në BE, dy dekada pas shkatërrimit të përgjakshëm të ish-Jugosllavisë.
Në samitin e sotëm morën pjesë presidentët e Sllovenisë, Kroacisë, Kosovës, Shqipërisë, Maqedonisë, Malit të Zi, Bosnjë Hercegovinës dhe Serbisë.
Në samit ka marrë pjesë edhe presidenti i Francës, Francois Hollande, i cili e ka mbështetur integrimin e vendeve ballkanike në BE, ashtu siç janë pranuar tashmë Sllovenia dhe Kroacia, por tha se duhet të bëhet më tepër punë në pajtimin dhe reformat politike, ekonomike dhe institucionale.
“Jo çdo gjë është zgjidhur në këtë rajon dhe atje mbesin çështje që kërkojnë vigjilencë dhe kujdes”, tha Hollande në konferencën për shtyp, pas samitit.
Ai theksoi se ka ardhur në samit "për tu thënë tetë shefave të shteteve se derisa vendet në Ballkan synojnë integrim në Bashkimin Evropian, Franca është në anën e tyre”.
“Kam bindjen e plotë se ne të gjithë do të bëhemi anëtarë të BE-së, në një të ardhme të afërt”, tha zonja Jahjaga dhe shtoi se “rruga evropiane e secilit shtet duhet të jetë e garantuar dhe e qëndrueshme”.
Këto komente zonja Jahjaga i ka bërë sot në samitin e presidentëve të tetë vendeve të Ballkanit Perëndimor, që u mbajt në Bërdo afër Kranjit, në Slloveni.
Mëtutje ajo ka theksuar se “bashkëpunimi ynë mund të marrë formën e një të ashtuquajturi - mini Shengeni - si dhe atë të praktikave të mira evropiane nëpërmes të cilave vendet aspiruese mund të zhvillojnë marrëdhënie më të ngushta bilaterale dhe bashkëpunim rajonal”.
Në këtë samit, që praktikisht është i pari i këtij lloji, u synua promovim i bashkëpunimit dhe i pranimit të më tepër shteteve në BE, dy dekada pas shkatërrimit të përgjakshëm të ish-Jugosllavisë.
Në samitin e sotëm morën pjesë presidentët e Sllovenisë, Kroacisë, Kosovës, Shqipërisë, Maqedonisë, Malit të Zi, Bosnjë Hercegovinës dhe Serbisë.
Në samit ka marrë pjesë edhe presidenti i Francës, Francois Hollande, i cili e ka mbështetur integrimin e vendeve ballkanike në BE, ashtu siç janë pranuar tashmë Sllovenia dhe Kroacia, por tha se duhet të bëhet më tepër punë në pajtimin dhe reformat politike, ekonomike dhe institucionale.
“Jo çdo gjë është zgjidhur në këtë rajon dhe atje mbesin çështje që kërkojnë vigjilencë dhe kujdes”, tha Hollande në konferencën për shtyp, pas samitit.
Ai theksoi se ka ardhur në samit "për tu thënë tetë shefave të shteteve se derisa vendet në Ballkan synojnë integrim në Bashkimin Evropian, Franca është në anën e tyre”.
