Ndërlidhjet

Obama e nominon një femër për kreun e Forcave Ajrore


Dy aeroplanë të Forcave Ajrore amerikane F-22 fluturojnë në afërsi të bazës Andersen në Guam, 04 Gusht 2010

Dy aeroplanë të Forcave Ajrore amerikane F-22 fluturojnë në afërsi të bazës Andersen në Guam, 04 Gusht 2010

Presidenti amerikan Barack Obama e ka nominuar ish asistenten e sekretarit të mbrojtjes si sekretare të Forcave Ajrore.

Shtëpia e Bardhë ka njoftuar se Deborah Lee James është zgjedhja e Obamës për zëvendësimin e Michael Donley i cili është pensionuar në qershor.

Nëse konfirmohet nga Senati, James do bëhet një nga femrat e pakta që do shërbejë si udhëheqëse e lartë civile e një prej degëve të forcave të armatosura të SHBA-ve.

Ajo do të jetë femra e dytë që do shërbejë si sekretare për Forcat Ajrore.

Nominimi i saj u bë derisa ushtria po trajton skandalet e sulmeve seksuale, shkurtimeve buxhetore dhe tërheqjen e trupave lufarake amerikane nga Afganistani.

James momentalisht punon për një kontraktues të mbrojtjes ndërsa ka mbajtur pozita të ndryshme gjatë karrierës së saj 30 vjeçare në qeveri dhe sektorin privat.
XS
SM
MD
LG