Ndërlidhjet

logo-print

Grekët ankohen se BE po i bënë protektorat si Kosovën


Fotografi arkivi gjatë një prej protestave greke kundër masave të shkurtimit buxhetor

Fotografi arkivi gjatë një prej protestave greke kundër masave të shkurtimit buxhetor

Papunësia te të rinjtë në Greqi ka arritur në 65 për qind, shkruan e përditshmja britanike “The Telegraph”, në versionin elektronik.

“Asgjë kaq shkatërrimtare nuk ka ndodhur kurrë në vendin tim”, ka thënë profesor Yanis Varoufakis, nga Universiteti i Athinës.

Të dhënat e fundut të agjencisë së statistikave të greqisë tregojnë se niveli i përgjithshëm i papunësisë ka shënuar rritje në muajin maj, duke arritur në 27.6 për qind.

Kjo e dhënë mund të shënojë sërish rritje deri në fund të këtij muaji, atëherë kur edhe pritet shkarkimi i 15, 000 punonjësve të sektorit publik, sipas kërkesës së Bashkimit Evropian dhe Fondit Monetar Ndërkombëtar:.

“Përpjekjet e pakontrolluara për ta mbajtur me çdo kusht Greqinë në Eurozonë, në kushtet që nuk janë fare të qëndrueshme, janë duke e shndërruar Greqinë në një formë të Kosovës, një protektorat të BE-së, që prodhon pak, ndërkaq ka suficit të fuqisë punëtore”, citohet të ketë thënë profesori Varoufakis.
XS
SM
MD
LG