Ndërlidhjet

Rumani: I akuzuari ka ofruar kthimin e pesë pikturave të vjedhura


Të akuzuarit Radu Dogaru (djathtas) dhe Eugen Darie duke dalur nga gjykata në Bukuresht në përcjellje policore
Të akuzuarit Radu Dogaru (djathtas) dhe Eugen Darie duke dalur nga gjykata në Bukuresht në përcjellje policore
Procesi gjyqësor kundër 6 rumunëve të akuzuar për vjedhjen e shtatë pikturave të njohura nga Muzeu i Hapur në Roterdam të Holandës, ka filluar sot në Bukuresht. Por, pas një kohe të shkurtër, procesi është shtyrë për muajin e ardhshëm.

Procesi ka filluar me shqetësime se pikturat e vjedhura, përfshirë ato të autorëve Monet, Picasso dhe Gauguin, mund të jenë shkatërruar.

Por, avokati i të akuzuarit kryesor për orkestrimin e vjedhjes, Radu Dogaru, tha se klienti i tij ka ofruar t’i kthejë pesë piktura, në këmbim që procesi të zhvillohet në Holandë, e jo në Rumani.

Megjithatë avokati Catalin Dancu, nuk ka mundur të konfirmoj nëse i akuzuari Dogaru e ka ndonjërën prej pikturave të vjedhura.

Nëna e të akuzuarit Dogaru, më herët këtë vit, u tha prokurorëve se ajo i kishte djegur pikturat për t’i shkatërruar dëshmitë në mbrojtje të djalit të saj.
XS
SM
MD
LG