Ndërlidhjet

India paralajmëron Pakistanin


INju Delhi, 15 gusht 2013.

INju Delhi, 15 gusht 2013.

Kryeministri Manmohan Singh ka shënuar Ditën e Pavarësisë së Indisë me një paralajmërim për fqinjin rival - Pakistanin.

Në fjalimin e së enjtes në Nju Delhi, Singh ka thënë se “për përmirësimin e marrëdhënieve me Pakistanin, është e nevojshme që ai të ndalojë përdorimin e territorit të tij për çdo aktivitet kundër Indisë”.

Komentet pasojnë akuzat e indianëve se forcat pakistaneze janë përgjegjëse për sulmet, të cilat kanë vrarë pesë ushtarë të Indisë, javën e kaluar, në rajonin e trazuar të Kashmirit.

Dita e Pavarësisë së Indisë shënon fundin e sundimit kolonial të Britanisë, më 1947, dhe krijimin e Pakistanit dhe të Indisë.

Pakistani ka shënuar Ditën e Pavarësisë të mërkurën.
XS
SM
MD
LG