Ndërlidhjet

Ban kërkon durim nga Izraeli dhe palestinezët


Kreu i OKB-së, Ban Ki-moon.

Kreu i OKB-së, Ban Ki-moon.

Sekretari i përgjithshëm i Kombeve të Bashkuara, Ban Ki-moon, u ka bërë thirrje izraelitëve dhe palestinezëve që të kenë durim me procesin e bisedimeve.

Duke folur në Aman, me ministrin e Jashtëm të Jordanisë, Nasser Judeh, ai po ashtu ka shprehur mbështetjen e Kombeve të Bashkuara për këtë proces.

Negociatorët izraelitë dhe palestinezë janë takuar të mërkurën vonë në një lokacion të pazbuluar në Jerusalem.

Ky ka qenë takimi i parë formal që nga bisedimet e muajit të kaluar në Uashington, të cilat kanë shënuar edhe rinisjen e procesit të ngecur.

Bisedimet e mëparshme janë ndërprerë në vitin 2010 për shkak të ndërtimeve izraelite në tokën që palestinezët e duan për shtetin e tyre të ardhshëm.

Ban ndodhet në një turne në Lindjen e Mesme, që përfshin Jordaninë, Izraelin dhe
territoret palestineze.
XS
SM
MD
LG