Ndërlidhjet

Frikë për më shumë dhunë në Egjipt


Një prej përleshjeve në mes të forcave të rendit dhe protestuesve islamik, 14 gusht 2013

Një prej përleshjeve në mes të forcave të rendit dhe protestuesve islamik, 14 gusht 2013

Vëllazëria Myslimane ju ka bërë thirrje përkrahësve të saj që të dalin në rrugë, duke rritur kështu frikën për më shumë dhunë në Egjipt.

Thirrja e kësaj partie për “Të Premtën e Zemërimit” u bë pasi autoritetet e rritën numrin e viktimave të përleshjeve të dy ditëve më parë në më shumë se 620 të vrarë, kryesisht civilë.

Në frontin diplomatik, Këshilli i Sigurimit të OKB-së ju ka kërkuar egjiptianëve që të shfaqin “përmbajtje maksimale” dhe të përvetësojnë “ri-pajtimin kombëtar” pasi ushtria e hoqi nga pushteti presidentin islamik, Muhammed Morsi.

Deklarata është bërë publike pas një takim urgjent të Këshillit të Sigurimit të enjtën.

Presidenca e përkohshme e Egjiptit, në të njejtën kohë e ka publikuar një deklaratë duke i hedhur poshtë kritikat ndërkombëtare të shtypjes së protestave islamike nga forcat e rendit, edhe atë që u bë nga presidenti amerikan, Barack Obama.

Deklarata thotë se kritikat janë bërë duke mos u mbështetur në fakte dhe ato mund të inkurajojnë aktivitete të “grupeve të armatosura të dhunshme”.
XS
SM
MD
LG