Ndërlidhjet

Imami i Floridës dënohet me 25 vjet burgim


Ilustrim

Ilustrim

Në Florida të Shteteve të Bashkuara, një imam është dënuar me 25 vjet burgim për rolin e tij në dërgimin e dhjetëra-mijëra dollarëve për talibanët pakistanezë, të cilët konsiderohen grup terrorist nga Qeveria amerikane.

Hafiz Khan, 78 vjeç, është shpallur fajtor në mars për dërgimin e 50 mijë dollarëve te talibanët pakistanezë, në periudhën 2008-2010.

Prokurorët amerikanë kanë thënë se paratë kanë ndihmuar sulmet kundër caqeve amerikane dhe pakistaneze

Khan ka mohuar akuzat, duke thënë se paratë kanë qenë për familjen e tij, miqtë dhe një shkollë fetare në Luginën Suat.

Khan, shtetas amerikan, i lindur në Pakistan, ka qenë imam në një xhami në Majami.

Dy djem të tij janë arrestuar po ashtu në lidhje me rastin, por nuk janë dënuar.
XS
SM
MD
LG