Të hënën në gjithë Kosovën fillon viti i ri shkollor 2013-2014. Sipas të dhënave të Ministrisë së Arsimit, Shkencës dhe Teknologjisë, mësimi fillor dhe i mesëm në nivel vendi zhvillohet në 1113 objekte shkollore, ku do të vijojnë mësimin mbi 420 mijë nxënës dhe 28 mijë mësimdhënës
Klasën e parë do ta fillojnë 29 mijë nxënës.
Viteve të fundit, sistemi i arsimit në Kosovë, është ballafaquar me probleme nga më të ndryshmet. Sipas prindërve të nxënësve, ekspertëve të arsimit dhe përfaqësuesve të opozitës, problemet fillojnë nga cilësia e arsimit, klasat e mbipopulluara, politizimi i strukturave udhëheqëse të shkollave, e deri te mosaplikimi i kurikulave të Republikës së Kosovës në nivel vendi.
Po cila është cilësia e arsimit në shkollat fillore dhe ato të mesme? Vetë nxënësit, madje, ata të ciklit të ulët, e paraqesin këtë shqetësim. Blertoni, është nxënës në klasën e katërt në një nga shkollat fillore në Prishtinë thotë se mësuesja nuk është shumë aktive në procesin mësimor.
“Mësuesja angazhohet pak, por ne angazhohemi në shtëpi, për shkak se mësuesja nuk na mëson shumë në të gjitha lëndët. Ne bëjmë zhurmë, sepse mësuesja rri në drejtori, pi kafe me mësueset e tjera dhe bisedon në telefon. Madje, ka raste kur disa nxënës kanë marrë notë të dobët në ndonjë lëndë dhe kur nxënësit kanë kërkuar të pyeten dhe ta përmirësojnë notën, mësuesja nuk ka pasur kohë”, shprehet Blertoni.
Edhe Afrim Hoti, prind, ankohet për cilësinë e ulët të arsimit:
“Unë mendoj se mësimi në Kosovë nuk është në nivel të duhur. Duhet ende punë në këtë drejtim. Ka shumë nxënës nëpër paralele. Nuk mundet një mësues t'i mësojë 26 deri 30 nxënës për 45 minuta, sa i ka ora”, thotë Hoti
Ndërkaq, eksperti i arsimit, Dukagjin Pupovci, vlerëson se cilësia e arsimit në sektorin parauniversitar lë shumë për të dëshiruar. Për të ngritur cilësinë e arsimit, sipas tij, duhet të përmirësohet menaxhimi i shkollave dhe mësimdhënia, sepse nga ta varet se çfarë cilësie ofrohet në shkolla.
“Mendoj se me profesionalizim të pozicionit të drejtorit të shkollës brenda institucionit arsimor, do të ndikohet dukshëm edhe në përmirësimin e cilësisë, sepse drejtorët atëherë do t'i përgjigjen komunitetit për cilësinë e punës në shkollë dhe jo siç ndodh deri më tani, kryetarit të komunës që nuk ka të bëjë asgjë me arsimin”, thekson Pupovci.
Edhe përfaqësues të subjekteve opozitare në vend kritikojnë autoritetet kompetente për cilësi të dobët të arsimit. Jonuz Salihaj, nga Aleanca për Ardhmërinë e Kosovës, thotë se në disa raste notat e nxënësve nuk rezultojnë me dijen e tyre.
“Kemi degradim të madh të sistemit të arsimit, pika të dobëta, ka profesorë të papërgatitur dhe të pakualifikuar për lëndët bazike. Sistemet tjera arsimore cilësore, dikush tjetër ligjëron, kurse një ekip tjetër vlerëson. Te ne është që ai që ligjëron, edhe vlerëson”, thotë Salihaj.
Në anën tjetër, përfaqësues të institucioneve arsimore në vend mohojnë se cilësia nuk është në nivelin e duhur. Të paktën kështu thotë Qazim Çeta, drejtor në shkollën fillore “Xhemail Mustafa”, në Prishtinë . Ai thotë se shkollën, të cilën e menaxhon, është gjithçka në rregull.
“Ka rregull, ka disiplinë ka mirëvajtje të mësimit, nuk ka mungesa dhe si shkollë, në të gjitha garat e diturisë që marrim pjesë, sidomos këto komunale, qe disa vjet, renditemi të parët”, shprehet Çeta.
Edhe zyrtarë të Qeverisë, pohojnë përpjekjet në këtë drejtim. Ragip Gjoshi, këshilltar në Ministrinë e Arsimit, Shkencës dhe Teknologjisë, thekson se niveli i cilësisë në vend do të arrijë në dijen ekuivalente të shteteve të Bashkimit Evropian.
Ndërkaq, për këtë fillim-vit, Gjoshi thotë se kanë vënë disa parakushte sa i përket cilësisë së arsimit.
“Fillimisht, aplikohet kurikula e re e Republikës se Kosovës në dhjetë shkolla, pastaj kemi filluar reformimin e Fakultetit të Edukimit, formati i mësimdhënësit do të jetë si në shtetet e Bashkimit Evropian, sepse në tri vitet e para në studimet bazike, mësimdhënësit përgatiten me fakultete gjegjëse”, bën të ditur Gjoshi.
Problem tjetër në këtë sistem që pengon në masë të madhe zhvillimin normal të procesit mësimor, janë klasat e mbipopulluara.
Klasën e parë do ta fillojnë 29 mijë nxënës.
Viteve të fundit, sistemi i arsimit në Kosovë, është ballafaquar me probleme nga më të ndryshmet. Sipas prindërve të nxënësve, ekspertëve të arsimit dhe përfaqësuesve të opozitës, problemet fillojnë nga cilësia e arsimit, klasat e mbipopulluara, politizimi i strukturave udhëheqëse të shkollave, e deri te mosaplikimi i kurikulave të Republikës së Kosovës në nivel vendi.
Po cila është cilësia e arsimit në shkollat fillore dhe ato të mesme? Vetë nxënësit, madje, ata të ciklit të ulët, e paraqesin këtë shqetësim. Blertoni, është nxënës në klasën e katërt në një nga shkollat fillore në Prishtinë thotë se mësuesja nuk është shumë aktive në procesin mësimor.
“Mësuesja angazhohet pak, por ne angazhohemi në shtëpi, për shkak se mësuesja nuk na mëson shumë në të gjitha lëndët. Ne bëjmë zhurmë, sepse mësuesja rri në drejtori, pi kafe me mësueset e tjera dhe bisedon në telefon. Madje, ka raste kur disa nxënës kanë marrë notë të dobët në ndonjë lëndë dhe kur nxënësit kanë kërkuar të pyeten dhe ta përmirësojnë notën, mësuesja nuk ka pasur kohë”, shprehet Blertoni.
Edhe Afrim Hoti, prind, ankohet për cilësinë e ulët të arsimit:
“Unë mendoj se mësimi në Kosovë nuk është në nivel të duhur. Duhet ende punë në këtë drejtim. Ka shumë nxënës nëpër paralele. Nuk mundet një mësues t'i mësojë 26 deri 30 nxënës për 45 minuta, sa i ka ora”, thotë Hoti
Ndërkaq, eksperti i arsimit, Dukagjin Pupovci, vlerëson se cilësia e arsimit në sektorin parauniversitar lë shumë për të dëshiruar. Për të ngritur cilësinë e arsimit, sipas tij, duhet të përmirësohet menaxhimi i shkollave dhe mësimdhënia, sepse nga ta varet se çfarë cilësie ofrohet në shkolla.
“Mendoj se me profesionalizim të pozicionit të drejtorit të shkollës brenda institucionit arsimor, do të ndikohet dukshëm edhe në përmirësimin e cilësisë, sepse drejtorët atëherë do t'i përgjigjen komunitetit për cilësinë e punës në shkollë dhe jo siç ndodh deri më tani, kryetarit të komunës që nuk ka të bëjë asgjë me arsimin”, thekson Pupovci.
Edhe përfaqësues të subjekteve opozitare në vend kritikojnë autoritetet kompetente për cilësi të dobët të arsimit. Jonuz Salihaj, nga Aleanca për Ardhmërinë e Kosovës, thotë se në disa raste notat e nxënësve nuk rezultojnë me dijen e tyre.
“Kemi degradim të madh të sistemit të arsimit, pika të dobëta, ka profesorë të papërgatitur dhe të pakualifikuar për lëndët bazike. Sistemet tjera arsimore cilësore, dikush tjetër ligjëron, kurse një ekip tjetër vlerëson. Te ne është që ai që ligjëron, edhe vlerëson”, thotë Salihaj.
Në anën tjetër, përfaqësues të institucioneve arsimore në vend mohojnë se cilësia nuk është në nivelin e duhur. Të paktën kështu thotë Qazim Çeta, drejtor në shkollën fillore “Xhemail Mustafa”, në Prishtinë . Ai thotë se shkollën, të cilën e menaxhon, është gjithçka në rregull.
“Ka rregull, ka disiplinë ka mirëvajtje të mësimit, nuk ka mungesa dhe si shkollë, në të gjitha garat e diturisë që marrim pjesë, sidomos këto komunale, qe disa vjet, renditemi të parët”, shprehet Çeta.
Edhe zyrtarë të Qeverisë, pohojnë përpjekjet në këtë drejtim. Ragip Gjoshi, këshilltar në Ministrinë e Arsimit, Shkencës dhe Teknologjisë, thekson se niveli i cilësisë në vend do të arrijë në dijen ekuivalente të shteteve të Bashkimit Evropian.
Ndërkaq, për këtë fillim-vit, Gjoshi thotë se kanë vënë disa parakushte sa i përket cilësisë së arsimit.
“Fillimisht, aplikohet kurikula e re e Republikës se Kosovës në dhjetë shkolla, pastaj kemi filluar reformimin e Fakultetit të Edukimit, formati i mësimdhënësit do të jetë si në shtetet e Bashkimit Evropian, sepse në tri vitet e para në studimet bazike, mësimdhënësit përgatiten me fakultete gjegjëse”, bën të ditur Gjoshi.
Problem tjetër në këtë sistem që pengon në masë të madhe zhvillimin normal të procesit mësimor, janë klasat e mbipopulluara.
