Ndërlidhjet

Assad: SHBA-të do përballet me gjithçka në rast të sulmit


Presidenti sirian, Bashar al Assad gjatë intervistës për CBS News

Presidenti sirian, Bashar al Assad gjatë intervistës për CBS News

Presidenti sirian, Bashar al Assad ka thënë se sulmet hakmarrëse nëse SHBA-të vendos që ta sulmojë Sirinë përmes një sulmi ushtarak “do të merrnin forma të ndryshme”, duke e përfshirë edhe efektet “direkte e jo direkte”.

Gjatë intervistës për “CBS News” që është transmetuar të hënën, Assadi ka thënë se përpos reagimeve direkte, sulmet jo direkte mund të përfshijnë “jostabilitet dhe përhapje e terrorizmit në të gjithë rajonin, diçka që do kishte ndikim në perëndimin, direkt”.

“Duhet të presim më të keqën”, ka thënë Assad gjatë intervistës.

Assadi, i cili ka thënë se Siria e kundërshton përdorimin e armëve kimike, gjithashtu ka thënë se prej çfarëdo sulmi do të përfitonte Al Kaeda në vendin e tij: “Kjo (sulmi) do të ishte përkrahje direkte (për Al Kaedën)”.
XS
SM
MD
LG