Ndërlidhjet

logo-print

Kundërshtohet shitja e PTK-së


Punëtorët e Postës dhe Telekomit të Kosovës protestuan të enjten duke kundërshtuar privatizimin e kësaj kompanie, e cila, sipas tyre, po bëhet në mënyrë të egër dhe jo transparente.

Ata kërkuan nga Qeveria e Kosovës mos nënshkrimin e kontratës me konsorciumin "AXOS CAPITAL”.

Protestuesit mbanin pankarta në duar në të cilat shkruante “Privatizimi i PTK-së, rrezikon sigurinë e Kosovës", “Stop privatizimit të egër të pasurisë publike”, “ Ky është krim ekonomik” dhe “PTK është e popullit dhe populli duhet të vendos për fatin e saj” .

Kryetari i Federatës Sindikale të Punëtorëve të PTK-së Milazim Alshiqi, ka kërkuar nga Qeveria e Kosovës që të rishqyrtojë edhe një herë mënyrën e privatizimit të PTK-së dhe të të mos shkelen të drejtat e punëtorëve.


Privatizimi i PTK-së ka shkaktuar polemika të shumta në opinion duke kaluar kështu në disa procese. Radio Evropa e Lirë ka bërë një rishikim të tërë procesit.
  • 16x9 Image

    Luljeta Krasniqi - Veseli

    Luljeta Krasniqi, e lindur më 02.05.1981. Me gazetari ka filluar të merret që nga viti 2005. Për një kohë të gjatë ka punuar si gazetare në Agjencinë e lajmeve Kosovalive. Ekipit të Radios Evropa e Lirë i është bashkuar në vitin 2008.

Trego komentet

XS
SM
MD
LG