Ndërlidhjet

Egjipt: Shtohen masat e sigurisë për shkak të protestave rivale


Forcat e sigurisë e kanë mbyllur Sheshin Tahrir në Kajro
Forcat e sigurisë e kanë mbyllur Sheshin Tahrir në Kajro
Autoritetet e Egjiptit i kanë shtuar masat e sigurisë para demonstratave rivale nga mbështetësit dhe kundërshtarët e presidentit të përmbysur islamik, Muhammad Morsi.

Thuhet se me këto tubime të sotme shënohet 40 vjetori i luftës arabo-izraelite të vitit 1973.

Mediat egjiptiane kanë raportuar se ushtarët kanë ngritur pika kontrolli në të gjitha rrugët për në kryeqytetin Kajro.

Ata e kanë shtuar sigurinë edhe në Sheshin Tahrir të Kajros, ku planifikohet mbajtja e demonstratave rivale, sot më vonë gjatë ditës.

Ministria e brendshme ka tërhequr vërejtjen se do të “konfrontohet ashpër” me çfarëdo dhune në Sheshin Tahrir.

Ky shesh ishte qendër e kryengritjes së vitit 2011, që solli përmbysjen e ish-presidentit Hosni Mubarak.

Mbrëmë, përpjekjet e mbështetësve të Morsit për tu mbledhur në Sheshin Tahrir kanë shkaktuar përleshje me kundërshtarët dhe forcat e sigurisë.

Gjatë këtyre përleshjeve janë vrarë katër vetë.
XS
SM
MD
LG