Ndërlidhjet

Afganistan: Karzai dhe Kerry, imuniteti çështje kontestuese


John Kerry (majtas) dhe Hamid Karyai gjatë konferencës për gazetarë mbrëmë në Kabul

John Kerry (majtas) dhe Hamid Karyai gjatë konferencës për gazetarë mbrëmë në Kabul

Sekretari amerikan i shtetit, John Kerry, dhe presidenti i Afganistanit, Hamid Karzai, mbrëmë i kanë vazhduar për të dytën ditë me radhë bisedimet lidhur me marrëveshjen e re për siguri.

Pas takimit në kryeqytetin Kabul, Kerry dhe Karzai thanë se është arritur marrëveshje e pjesërishme, por dallimet mbeten.

Kerry tha se të dy palët mbeten të ndarë lidhur me çështjen se a do të kenë imunitet ushtarët e Shteteve të Bashkuara, që vazhdojnë të qëndrojnë në Afganistan, pasi trupat e jashtme të largohen deri në fund të vitit 2014.

Këtë imunitet e kërkon Uashingtoni, por Kabuli e kundërshton.

Në këtë kuadër, zoti Kerry tha se nëse kjo çështje nuk zgjidhet nuk mund të ketë marrëveshje të sigurisë.

“Ne duhet të themi se nëse çështja e juridiksionit nuk zgjidhet, atëherë për fat të keq, nuk mund të ketë marrëveshje bilaterale për siguri. Pra, ne shpresojmë se kjo çëshje do të zgjidhet dhe i mbetet popullit afgan që të vendos”, tha John Kerry, në një konferencë për gazetarë, pas bisedimeve.

Duke u shprehur për këtë çështje kontestuese zoti Karzai tha:

“Çështja e juridiksionit është çështje që është përtej autoritetit të qeverisë afgane dhe në tërësi i takon popullit afgfan, që të vendos nëpërmjet dy mekanizmave: njëri është Asambleja e Madhe e Afganistanit dhe tjetri Parlamenti i Afganistanit”, tha Karzai.
XS
SM
MD
LG