Ndërlidhjet

Mekë: Pelegrinët myslimanë e filluan haxhillëkun vjetor


Pamje e përgjithshme e pelegrinëve gjatë haxhillëkut në Mekë

Pamje e përgjithshme e pelegrinëve gjatë haxhillëkut në Mekë

Afro dy milionë pelegrinë myslimanë sot e kanë filluar haxhillëkun vjetor në Arabinë Saudite, duke lëvizur prej qytetit të shenjtë të Mekës kah Mina e afërt, në këmbë ose me tren.

Megjithatë për haxhillëkun e sivjemë ka shqetësime për shkak të rrezikut nga virusi vdekjeprurës MERS.

Në Mina pelegrinët do të luten dhe pushojnë para se të drejtohen kah Mali Arafat, gjatë ditës së nesërme, për arritjen e kulminacionit të ritualit të haxhillëkut.

Në Arabinë Saudite ka pasur më së shumti vdekje nga virusi MERS, që janë raportuar në gjithë botën. Prej 60 njerëzve që kanë vdekur nga ky virus, 51 ishin nga Arabia Saudite.

Për këtë arsye ka pasur shqetësime se pelegrinët mund ta përhapin virusin pas kthimit në vendet e tyre.

Virusi MERS konsiderohet më vdekjeprurës se ai SARS, por është më pak ngjitës.

Në vitin 2003 nga virusi SARS në Azi patën vdekur qindra njerëz.

Autoritetet e Arabisë Saudite kanë mobilizuar burime të shumta mjekësore dhe të mbrojtjes civile për Haxhin e sivjemë.
XS
SM
MD
LG