Ndërlidhjet

logo-print

Izraeli i jep fund bojkotit ndaj Këshillit të OKB-së për të Drejtat e Njeriut


Logo e Këshillit për të Drejtat e Njeriut e OKB-së

Logo e Këshillit për të Drejtat e Njeriut e OKB-së

Ministria e Jashtme e Izraelit bën të ditur se përfaqësuesit e saj do të marrin pjesë në punimet e Këshillit për të Drejtat e Njeriut të OKB-së, të cilat mbahen në Gjenevë.

Gjermania kishte paralajmëruar se Izraeli do të përballej “me dëme serioze diplomatike” nëse nuk do të merrte pjesë në takimin e së martes.

Në janar, Izraeli u bë vendi i vetëm në botë që e bojkotoi procesin e analizimit të të drejtave të njeriut nga ana e OKB-së.

Në mars, ky vend shkëputi të gjitha mardhëniet me Këshillin për të Drejtat e Njeriut, kur zyrtarë nga ky këshill bënë të ditur se do të mund të vërtetonin se si shteti izraelit po shkelte të drejtat e palestinezëve.

Izraeli është deklaruar zyrtarisht se beson që OKB-ja është paragjykuese në raport me të.
XS
SM
MD
LG