Ndërlidhjet

logo-print

Dështon sërish formimi i Komisionit hetimor për PTK-në


Kuvendi i Kosovës nuk ka arritur të formojë Komisionin hetimor, i cili do t’i vërtetonte procedurat legale të shitjes së aksioneve të Postës dhe Telekomit të Kosovës (PTK).

Seanca e sotme, është shtyrë për shkak të mungesës së një marrëveshjeje midis partive politike në pushtet dhe atyre në opozitë.

Formimi i komisionit hetimor, ishte kundërpërgjigje e opozitës pas vendimit të qeverisë që të shesë 75 për qind të aksioneve të PTK-së konzorciumit gjerman AXOS capital në shumën prej 227 milion euro, nën dyshimet për keqpërdorime.

Iniciativa buron nga dy partitë opozitare, Lidhja Demokratike Kosovës dhe Lëvizja Vetëvendosje.

Sipas kërkesës, Kuvendi duhej të formonte Komisionin 11 anëtarësh, në të cilin do të ishin të përfshirë anëtarë nga të gjitha grupet parlamentare.
XS
SM
MD
LG