Ndërlidhjet

Fuqitë botërore kanë bërë thirrje për ndihmë urgjente për Filipinet, ku dyshohet të kenë vdekur më shumë se 10 mijë njerëz, si pasojë e tajfunit Haiyan.

Kombet e Bashkuara thonë se rreth 9.5 milionë njerëz janë prekur nga katastrofa, e cila sipas OKB-së ka shkaktuar “zhvendosje të madhe të njerëzve dhe dëme shumë të mëdha”.

Shtetet e Bashkuara, shtetet e Bashkimit Evropian, Australia dhe Kombet e Bashkuara janë ndër të parët që kanë lansuar projekte të ndihmave për Filipinet, përfshirë ushqime, batanije, dhe tenda për dhjetra mijëra njerëz të lënë pa strehë.

Departamenti amerikan i Mbrojtjes ka dërguar rreth 90 marinsa, si dhe aeroplanë, për të ndihmuar në operacionet e kërkim-shpëtimit.

Tajfuni, një ndër më të fuqishmit të shënuar ndonjëherë në Tokë, u shfaq të premten, duke shkaktuar dallgë të mëdha të detit, të cilat për pasojë patën shkatërrime në masë dhe humbje të mëdha të jetëve.
XS
SM
MD
LG