Sateliti shkencor evropian me peshë më tepër se një tonelatë është futur në atmosferën e Tokës dhe është djegur, ndërsa copëzat, me gjasë, kanë rënë në rajonet jugore të Oqeanit Atlantik, kanë thënë sot zyrtarët.
Kontakti i fundit me satelitin GOCE (Gravity Ocean Circulation Explorer) ishte mbrëmë vonë, kur ai kishte fluturuar vetëm 120 kilometra mbi Polet Jugore, ka njoftuar Agjencia Evropoane e Gjithësisë.
Në bazë të projeksioneve të modeleve kompjuterike, zyrtarët besojnë se GOCE e ka goditur aftmosferën e lartë afro 80 kilometra mbi sipërfaqen e planetit, afër Ishujve Folklande.
“Nuk është raportuar për dëme ndaj pasurisë nga çfarëdo copëze”, thuhet në raportin e Agjencisë Evropiane të Gjithësisë në faqen e saj në Internet.
Afro 25% e satelitit me madhësi sa një veturë, pritej se do ta mbijetonte rihyrjen në atmosferë e Tokës. Sateliti GOCE ishte lansuar në vitin 2009 për t’i analizuar variacionet e gravitetit të Tokës, raporton Reuters.
Por, sateliti mbeti pa karburant më 21 tetor dhe prej atëherë e ka humbur lartësinë, pasi është tërhequr nga graviteti tokësor.
Ky satelit prej 1100 kilogramësh është i vogël në krahasim me anijet e tjera të gjithsësisë, që aktualisht janë përplasur prapa në atmosferën e Tokës.
Kontakti i fundit me satelitin GOCE (Gravity Ocean Circulation Explorer) ishte mbrëmë vonë, kur ai kishte fluturuar vetëm 120 kilometra mbi Polet Jugore, ka njoftuar Agjencia Evropoane e Gjithësisë.
Në bazë të projeksioneve të modeleve kompjuterike, zyrtarët besojnë se GOCE e ka goditur aftmosferën e lartë afro 80 kilometra mbi sipërfaqen e planetit, afër Ishujve Folklande.
“Nuk është raportuar për dëme ndaj pasurisë nga çfarëdo copëze”, thuhet në raportin e Agjencisë Evropiane të Gjithësisë në faqen e saj në Internet.
Afro 25% e satelitit me madhësi sa një veturë, pritej se do ta mbijetonte rihyrjen në atmosferë e Tokës. Sateliti GOCE ishte lansuar në vitin 2009 për t’i analizuar variacionet e gravitetit të Tokës, raporton Reuters.
Por, sateliti mbeti pa karburant më 21 tetor dhe prej atëherë e ka humbur lartësinë, pasi është tërhequr nga graviteti tokësor.
Ky satelit prej 1100 kilogramësh është i vogël në krahasim me anijet e tjera të gjithsësisë, që aktualisht janë përplasur prapa në atmosferën e Tokës.